網頁

2016年4月30日 星期六

【台南街頭小食節】$20食一款 ‧ 8強最必食之選 @ 鑽石山

食食食!! 從未試過台南街頭小食的阿叔, 今日陽光勃勃去鑽石山開大餐...



因為商場有台南活動, 8家台南小食店會為大家泡製撚手小菜, 只要即場捐款$20, 就可以食一款, 即是捐$160就可以試齊全套! 超抵


黑橋牌-香腸肉燥飯 (必食度★★★★★)
8大台灣小食中最搶食, 最吸引的一款, 我問孫師傅:「唔可以齋食香腸? 一定要餸飯?, 師傅答:「食過你就知」


59年歷史的肉燥飯, 再配似鬼佬大肉腸的質感, 以三分肥、七分瘦的豬肉, 臘腸感覺的香腸...咬一口心會大叫:「肉味滲甜, 一咬溜肉汁, 好食到震」


因為配肉燥汁才是天作之合, 所以配飯是不二之選, 如果只食香腸, 應該等同睇IronMan, 同睇Avengers的分別.


我跟師傅講:「一食上癮呀! (師傅:咩意思?)(今日真係死...點解當初唔畀心機學國語呢?) 



北門鹽鄉民宿餐廳 - 蚵仔西瓜綿虱目魚丸湯 (必食度★★✰✰✰)
西瓜都可以煲湯?? 洪老闆:「係台南的西瓜綿, 我哋用鹽醃完再煮虱目魚湯...你試下啦, 我哋好鍾意飲」


其實, 虱目魚肉不會腥, 魚丸又夠好味...不過, 太酸太鹽, 十足阿太最愛的鹹菜豬肚湯, 她來應該好鍾意飲...我則麻麻.




集品鴨蛋湯((必食度★★★✰✰)
十三年前, 因為愛食的陳師傅機緣巧合下拜師學做蝦仁飯. 陳師傳:「我好鍾意食我師父的蝦仁飯, 食好多年都無厭」


(但係...點解你唔煮畀我試下呢?)陳師傳:「蝦仁飯一早無晒, 所以我煮另一樣鎮店之寶畀你試 ~ 鴨蛋湯」


混入了日本柴魚的鴨蛋湯, 似我們慣常滾的金銀蛋芥菜肉片湯, 但少了皮蛋及豬肉, 清了一點, 簡單了一點吧!!



虱目魚主題館 - 虱目魚水餃 (必食度★★★★✰)
可能我自己愛水餃, 所以盧小姐的魚肉水餃非常令仁回味


被台南人稱為虱目魚女王的盧小姐:「每條虱目魚的背鯺(菲力)係最香最滑, 不過一條魚只有兩條菲力, 我哋只用菲力做水餃, 同埋虱目魚有二百幾條骨, 我哋起晒先打成魚肉嘅」


當我正常放粒魚肉餃入口, 女王就說:「係米第一次食魚肉水餃? (:係呀, 你點知?) 因為我估香港唔流行, 而虱目魚魚肉水餃都算係我哋創出嚟」(魚肉較豬肉來得溫純, 這粒餃子食得好舒服


超好人的盧小姐:「下次嚟台南, 一定要嚟我哋個主題館再食水餃呵, 我到請你食虱目魚雪條」(一定一定, 我真係好想試一試傳說中不腥不鹹的魚雪條呀!)



上智關廟麵 - 關廟滷麵 (必食度★★★✰✰)
比米線更彈牙的叫關廟滷麵, 阿芳說:「只有台南先有, 因為台南陽光較猛烈, 我哋要將濕潤的麵條, 愈曬得乾才會愈彈口」


加入紅, 白蘿蔔, 肉丸, 蛋花, 白菜, 阿芳:「單單麵湯最少都要煮3個鐘」


較米線更煙煙韌韌的滷麵, 可能我不太愛吃米線, 所以, 還是不太識食.



仙湖休閒農場 - 農夫便當 (必食度★★★★✰)
這個有200年歷史的便當, 是全場第三好味道的小食. 6代傳人丁小姐:「因為我哋一直都做農夫, 所以就有農夫便當, 農夫休息就會揀選田裡最新鮮的食材餸飯, 所以農夫便當代表不時不食」


(你最鍾意食那一款餸?)丁小姐:「菇菇係我哋人手撕開的, 單單用菇我可以用來餸兩大碗飯, 第二碗就加隻蛋, 真係好好食」


原來台南雞蛋會滲出濃濃蛋味, 而且伴黑豕, 還有微甜微鹹的手撕菇, 這個便當很完美.
  


我最初以為小南米糕 - 竹葉蓮子花蝦米糕 就是台灣粽, 原來店主堅持說是不同的.


 雖然, 這款灑滿多多花蝦的米糕, 被總統, 及《康熙來了》大讚, 不過, 一向不太愛吃鹹肉粽的我, 還是不作評語好.

(必食度★★★✰✰)

因為, 我覺得米糕與楊哥楊嫂肉粽也差不多, 兩者都是粽, 正如當年我明明愛劉德華, 你叫我說黎明, 一定不會中肯啦!

(必食度★★★✰✰)

大家有時間, 可以去逛一轉, 絶對抵玩, 抵食!



台南街頭小食節
日期: 4月30日至5月2日
時間: 中午12 時至晚上7時 (旅遊展及舞台區);下午1時開始 (美食換領)
地點: 鑽石山荷里活廣場一樓



大仁生活facebook

沒有留言:

張貼留言