Hello Kitty Go Around 40週年慶典 玩足3個鐘 唔捨得走 @ 九龍灣國際展貿中心

停辦一年的Hello Kitty九龍灣展覽, 我們斷斷續續也來玩了三次, 今年要多謝WeShare.hk送票給我們來玩！

(2004年, Hello Kitty三十周年「Hide and Seek」仍在藝術中心, 當年因為場面混亂到要報警, 之後我們玩了2008年《Black Wonder》, 2009年《Kitty Lab》, 及2010年《Who's the Next》 )

12月7日 麥當勞叔叔之家開放日暨童樂行 @ 報名

因為看到「小小豬的成長日誌」, 我才發現今年麥當勞叔叔之家有新活動, 就是12月7日(星期日)舉辦「慈善步行童樂行」!!

過去兩年的11月, 我們也有參加於跑馬地舉行的「麥當勞 兒童愛心馬拉松」詳情可瀏覽:

1) HONG KONG STYLE 麥當勞 兒童愛心馬拉松 2012

2) 麥當勞 愛心童樂日 2013 跑出溫馨好氣氛 

Hip-hop XO偶像原來係葉蒨文?? @葵芳新都會 Bad Badtz-Maru 嘻哈街頭派對

今個聖誕, Sanrio的角色非常勤力, 輪流攻港, Kitty Go Around九龍灣,布甸狗負責將軍澳,  My Melody進駐屯門, 而黑黑實實的XO就前日起「嘻哈」葵芳.

759茶餐廳 中式小菜好食過西餐 @葵涌光輝圍

我認我是759的粉, 所以葵涌光輝圍新開的759茶餐廳怎可以不去試. 11月3日開業, 其實, 我已經來遲了兩天.

老實說, 我從未來過光輝圍, 所以約朋友在葵芳地鐵站, 乘36M巴士, 兩個站不用5分鐘, 一落車走入一個橫街就到. 原來茶餐廳位置也不算隔涉.

韓風大熱 軟雪糕配棉花糖雪糕靚過蜂巢好好好多 @ HONEY GRANNY

蔡瀾在十月某期壹周刊的「未能食素」提到韓食時代指, 「所謂蜂巢雪糕, 不過是軟雪糕上加了一小塊蜂巢」, 絕對一矢中的, 蜂巢雪糕我興趣不大大.

不過, 我卻被棉花糖軟雪糕的賣相所吸引, 一嚿大大的雲, 變成了雪杯的高帽, 非常震撼, 絕對想試. 上星期就走到登打士街 HONEY GRANNY的分店試食.

再見哈囉喂!! 再見炒雪糕 @ 點解突然會變咗做十八座狗仔粉

今晚我竟然發現自己有兩篇遲來的Blog未出, 哈~哈~, 今次真的是最Out的回憶. 她們分別是捱不過3個月的通菜街炒雪糕, 及萬聖節哈囉喂油塘之旅.

8月頭經過金魚街, 發現有「手瓜起展」的師傅在炒雪糕, 於是立即帶囝去試食, 估不到上星期, 雪糕已靜俏俏的變成十八座狗仔粉, 問店員是否冬天過後才會繼續炒雪糕, 誰知狗仔粉叔叔答:「佢哋唔再賣雪糕架啦…」心情突然有點失落.

人氣韓食~釜山「雪冰」襲通菜街 @ 「雪話」 有好大份馬卡龍 Snow Story

韓風大熱, 現時幾乎任何物件加上「韓國」兩字一定大賣. 通菜街119號這店本來也是甜品舖, 但前店經營了兩年多, 最近結業, 取而代之便是這「總店韓國釜山~香港第一分店」的《雪話》.

真的不是說笑, 同樣是賣甜品, 本來舊店小貓三四隻,  搖身一變韓食甜品店, 嘩!!你看多誇張...下午約4點半的墟冚情況, 人山人海的景象, 簡直令人為之側目.

小小小漢堡包 食鹹唔好食甜 @ 中環Little Bao 小包包

小儀網上推介Little Bao, 所以今晚我們走到PMQ後門的一家小店食包包.  這店中文譯名攪笑地叫"小包包".

開業己一年, 但只由黃昏6點才開始營業, 而且不設電話訂位, 所以今晚我們6點半趕過去, 非常幸運, 即時有位, 但人客陸續走來, 7點後店外人龍湧現.

Trick Or Treat 唔派糖 ?? 褶糖一樣得??

今個萬聖節, 我決定「整蠱」一下小朋友, 玩Trick Or Treat時, 我派一粒「褶紙糖」, 當小朋友以為無糖食之際, 打開粒「褶紙糖」, 原來真糖就在裡面. 哈~哈~哈~

「紙糖」其實由底, 面兩部份組成, 結合一起的話就好似一個收藏盒一樣.

為咗見布甸 寶琳趕落百德新街旁邊 @ 新都城MCP貴族布甸狗

布甸狗是阿囝的新偶像, (其實我也不知道他從何時開始愛上布甸狗), 所以當我知道昨日, (10月29日)寶琳新都城有得睇布甸狗, 放學立即帶他去將軍澳探布甸.

囝不知多興奮, 全程地鐵也問我:「係米有好多布布(他稱布甸狗的花名)架?」, 「大唔大隻架?」當我們到達新都城之後, 奇怪的...只見工作人員仍然在搭建布甸狗的舞台. 於是我問工作人員, 原來舞台11月8日才開始喎.

見鬼10月 哈囉喂 搵鬼同你玩 @ PMQ+皇室堡

10月尾的周末, 日光日白走到銅鑼灣, 走到上環, 基本上與平日沒有分別, 不過一到黃昏或者入夜, 嗚嘩!!~哈囉喂我愛你, 男鬼女鬼滿街飛. 正呀!!

喪屍都有分男女, 好奇怪為何只有我們倆公婆嗎? 因為阿囝驚到縮了在人群中.

細膽的小朋友, 本來得海盜姐姐與南瓜姐姐兩位, 還可以接受, 當5人鬼軍團出場, 當堂驚得震騰騰.

不過, 只要有糖食, 小朋友就可以變成甚麼也不怕, 而且還會主動走入PMQ二十一間店舖, 不停和各大店主大玩「Trick Or Treat」.

我真的意想不到, 平日害怕接觸陌生人的小朋友, 竟然為了一粒糖, 不停同不認識的大哥哥, 大姐姐講「Trick Or Treat」. 哈哈!!  最後,半小時的戰利品, 他不知多滿意今天的戰續喎.

除了PMQ, 皇室堡一樣可以同鬼玩遊戲, 阿囝很有耐性的等鬼朋友出籠, 最主要原因, 當然是看中放在旁的整籃珍寶珠(右下角).

阿囝的POSE是銀色天堂鳥教的, 阿囝很聽話, 因為他以為與金銀男女合照後就有糖食, 誰知....

到阿囝分別與「胸肌可以猜杖」的大隻鬼與萊莉亞, 及蝙蝠塔羅鬼也合照後, 他終於忍不住問我:「點解同佢哋講Trick Or Treat都唔派糖畀我嘅??」

哈!! 因為可能未能時間吧!! 因為我見他們也沒有拿糖果籃出來派....結果, 我帶了他去吃朱古力雪糕, 以解小朋友的鬱結.

PMQ Trick Or Treat 24.10 - 1.11 (1pm - 8pm)

Facebook : https://www.facebook.com/hayakutang