【CHOPPER WORLD嚟啦】10個變身的索柏!! @ 7-Eleven

上一季, (即係過去2個月), 7-Eleven換港女煲, 難得可以休息, 與印花隔絶...真爽!!(不過, 阿太就好努力係咁換換換)

今季, 重回我熟悉的One Piece啦!! Yeah!! 終於可以關我事...真好. SY:「爸爸! 上次索柏好似出過喇喎?」

我答:「唔同啦...上次十個主角, 今次十個都係索柏. (SY:「係喎!真係個個都係佢, 點解嘅?), 因為佢扮5個朋友, 再加自己, 同4個特別版囉」

SY:「點解橙色衫E個有媽媽個怪叔叔嘅?」我:「E個特別版最正, 佢扮7-11店員呀! 我見媽媽有個路飛怪叔叔, 借嚟影下相啫, 無特別, 唔駛同佢匯報都得嘅」

其實, 嚴格來說, 是9隻索柏, 另一隻是路飛扮索柏, SY:「E...你又攞媽媽個怪龍珠, 同怪美少女呀?」(橫掂借開, 順便借埋囉!! 嘻嘻)

SY:「咁不如借埋媽媽間Re-ment屋, 十兄弟一齊返屋企囉, 爸爸」(好呀! 愛‧回家吖麻, 你媽媽嗰間屋都係攞係度封塵啫, 玩吓囉)

打蛇隨棍上的我, 將兩隻索柏放入前日買回來的布甸狗甜品杯, 向囝說:「你睇! 索柏扮布甸狗呀!」

SY:「爸爸! 唔好夾梗塞D索柏入去我個布甸杯度啦, 索柏係貓, 又唔係狗」(其實...索柏係鹿嚟呀!)

7-Eleven 35週年 X《One Piece 海賊王》
「CHOPPER WORLD馴鹿海賊團」6月29日連8星期, 換印花啦!!



大仁生活facebook