網頁

2016年7月23日 星期六

【尖沙咀小店串燒】 $10 玻璃豬‧ 好食到停唔到口

我最初以為「捌拾胡同」是厚福街新開串燒店, 誰知負責人之一的Matthew:「我哋係坑口做咗好幾年, 因為加租, 71先搬過嚟尖沙咀啫」


正當我們思考要那款串燒之際, Matthew推介說:「不如你試試我哋個蝦子撈麵套餐, 因為係我哋為尖沙咀新舖而諗嘅, 個餐已經包兩串串燒, 好多OL鍾意食, 因為夠飽肚」

招牌玻璃豬, 招牌安格斯同樣$20, 真的不敢相信這裡是尖沙咀. (旺角食一串串燒, 最平雞肉串都要$13, 平到咁緊要?)



Matthew解釋:「牛, 同豬, 我哋係新開張, 無錢賺只賺你哋覺得好食, 之後都會繼續嚟幫襯咋, 81, 我哋會做返$12, 賺返$2(但都平過旺角好多喎)



(咩叫玻璃豬?) Matthew解釋:「其實緊接脢頭肉, 豬的前半位置, 半肥半瘦, 爽而不膩, 試過你就知」(!膊頭附近, 真係食串燒都學到新嘢. 正呀)


先來試了安格斯牛柳粒, 鮮牛味又不韌, 單單用鹽已經吊出肉味, 非常清的口感. 但驚喜的之後才來...


「玻璃豬」果然名不虛傳, 難怪由坑口馳名至尖沙咀, 完全甘甜軟嫩, 肉與肉中間夾了少少油花, 一口咬一口肉香慢慢滲出來.心諗:「黐線...咁好食」


SY:「爸爸!真係好好食呀! 我想要多一串」, 其實, 我們兩公婆分享一串怎夠喉, : Matthew...整多廿蚊嚟」


蝦子撈麵真的可以用來飽肚, 但因為蠔油、沙嗲、花生醬汁搶了串燒的香味, 所以下次叫Matthew少醬會更好, 因為「玻璃豬」的原汁原味更蝦子撈麵.



胡同真‧薯片($18), 混入紫薯及新鮮薯仔, 紫薯較硬, 薯仔片脆得多, 而且即口即炸, 新鮮熱辣, 好有利東街卡樂B+的感覺.


阿太:「食薯片飲可樂, 真係正」, SY:「媽媽, 我都想飲, 忌廉都唔好飲」, 計我話, 只要一口汽水, 一口薯片已經好好食, 不過紫薯味炸過之後, 不是太出, 有少少失望.


不過, 這小巷串燒超抵, 又好食, 總知你經過尖咀屈入嚟試過就知乜嘢叫好嘢囉



捌拾胡同
地址: 尖沙咀厚福街9號B鋪
開放時間 星期日至四︰1pm-10:30pm 星期五、六及公眾假期︰1pm-11:30pm
電話 3704-7107


大仁生活facebook

沒有留言:

張貼留言