有新玩具當然要第一時間玩啦!! 昨晚當我手執「檸檬茶唧唧冰杯」回家, 阿太說:「我本來都想叫你買, 但上次係日本買咗隻布甸狗畀囝, 都唔識結冰嘅」
這正正就是日文說明書, 與印有中文使用方法的分別...我:「阿太你有冇跟足步驟做呀? E度話要將隻杯放入雪櫃冰格3-6個鐘, 直至隻杯變硬喎」
阿太:「哦!唔掛之得啦, 我無放到入雪櫃」第二日中午...SY飯後想打開雪櫃飲檸檬茶之際, 我說:「想唔想試新嘢? 飲檸檸沙冰呀?」
SY:「爸爸...你識整? 上次媽媽都整唔到, 我好想飲沙冰檸檬茶...一齊整囉」
其實, 我也是第一次玩唧唧杯,
原來雪了6小時的VLT杯真的硬如鋼鐵...SY:「快D倒D檸檬茶入去啦」
說明書說先注入三分之二的檸檬茶, 之後便可以一下一下擠壓杯身,
有趣的事情慢慢發生了...
SY:「爸爸! D檸檬茶真係開始變冰呀, 愈唧就愈變得多冰, 好得意, 不過少咗咁多檸檬茶嘅?」
我:「變咗冰, 所以好似少咗, 咁你再加多少少, 再唧囉」, 小朋友非常興奮, 不停唧唧唧...之後SY問:「飲得未呀? 我唔想唧啦」
於是不停飲, 又不停用羹食沙冰, (好唔好飲), 笑咪咪的SY:「梗係好飲啦, 沙冰點會唔好飲」就是這樣, 小朋友好開心, 又食又飲KO了整杯沙冰.
SY:「爸爸! 我想再整呀!」, 我:「吓? 咁要再雪6個鐘之後先整到喎」...幸好唧唧冰杯不能隨時再變出沙冰, 否則, 小朋友一定可以連續不停唧唧唧, 飲飲飲,唧唧唧, 飲飲飲....
7-11、Circle K或Vango便利店購買維他檸檬茶或菊花茶飲品滿 $20, 加$25即可換購.
www.facebook.com/vitavitasoy
沒有留言:
張貼留言