上月尾參加了日清揭開好味來嘉年華後, 工作人員送了六包新口味薯片給我們, 包裝就非常吸引, 之前又未見超級市場有售, 所以, 我們一家又變身試食大使, 無聊試薯片.
大紅色的是激辣味, 第一眼己經很吸引. 粉紅色的是激酸味, 自已對酸性食物「麻麻地」, 加上薯片理應是鹹食的, 今次加入酸梅味, 所以, 其實不太想開封試食.
我給阿囝選擇, 他也第一時間被鮮紅色的「激辣魔薯香辣味薯片」吸引, 大力一開, 嘩!! 口腔好像知道有薯片會來了, 預先分泌了大量口水出來. 今次的「日清湖池屋」系列薯片, 較「珍珍」,「卡樂B」厚身, 食落質感當然感覺「抵食」一點啦.
「激辣魔薯香辣味薯片」初初放入口, 未感到任何辣味, 但當嚼兩, 三口香辣就來了, 大人可以接受, 但小朋友則說好辣, 好辣.
阿囝:「水!! 水!! 爸爸我要飲水, 好辣呀! 粉紅色嗰包辣唔辣架 ?」
「激酸魔薯酸梅味薯片」一點也沒有辣味, 甜甜酸酸的梅味, 我真覺得怪怪地, 不過阿囝竟然可以接受到, 還說:「唔辣, 好食好多!! (你唔覺得好酸咩 ?) 少少啦...不過好食, 薯片同薯條我最鍾意食架麻」.
早知, 如果當日即場試食, 我會轉要5包辣味, 酸梅味1包就足夠了.
沒有留言:
張貼留言