SY:「爸爸!飲完朱古力, 第二個活動係米去食朱古力呀?」, 我:「唔係喎, 我哋之後去睇戲」
兩個廚師大鬧密室, 最初我以為沒有糖食,
SY又會「「趦趦趄趄」, 誰知小朋友超愛看雜技...
拋工具, 廚師互拋, 又扮失手, 小朋友真的笑出來.
高廚師拋了隻假雞蛋過來, 本來嚇怕了SY, 當他一發現這不是真蛋, 即時大叫:「假嘅...哈哈哈!!」
當知道之後可以玩自製棉花糖, 雙眼發光的SY, 即時拉住我9秒9走去工作室.
原來做棉花糖一點也不困難, 只要揀好顏色粉, 注人機器中間, 棉花會自動飄上來.
SY:「捲啦!! 捲啦!! 捲多D啦!! 媽媽...嘻嘻, 愈嚟愈大啦...多D多D...」
我:「其實兩隻色加埋, 大過你個頭啦, 仲要大D?? (SY:梗係啦...愈大愈好食啦)」
最後, 灑上「Love」字就大功告成...SY:「其實, 我唔駛要個字都得...可以食未?」(得啦...咁心急)
其實, 全部小朋友味覺是否都未發育完成? 棉花糖甜到爆, 但個個也似撞邪一樣, 不停笑住咬咬咬, 食食食...
學整棉花糖不難, 最難是放...每一個小朋友也不願與手中棉花糖說再見, 工作人員:「棉花糖唔可以攞離開工作室喎」
結果, SY竟然秒殺了整個棉花糖...我:「嘩!乜你食嘢可以咁快嘅? 我未見過你食飯食得咁快喎」(SY:梗係啦, 飯又唔係糖...)
KO完棉花糖, 之後行程就是做天婦羅...SY:「乜係天婦羅?」
我:「即係炸蝦, 炸魚, 炸茄子...」SY:「我都唔鍾意食...有冇炸雪糕?」
其實, 這是食物模型蠟, 只要將蠟放入假油內, 就會自自然然變成為日式生菜, 炸大蝦...真神奇!!
SY:「我仲以為假油係熱嘅添...原來都係扮㗎咋...隔離D水就暖暖地」
正所謂色即是空, 空即是色 ,冬甩即是梘, 梘即是冬甩...玩完假天婦羅, 接住就做冬甩形番梘.
SY:「咁即係個冬甩又係唔食得啦?...爸爸! 我認得彩虹姐姐...上次佢同長頸鹿表演好好睇」
不如你專心造番梘...彩虹姐姐很有心機教小朋友,
加上冬甩又不困難, 所以很快又大功告成.
SY:「爸爸!你睇我個梘液...(我:E個叫番梘), 唔係同一樣咩?」事實, 千禧後又真的很少再有機會接觸真番梘.
當連續做完兩個不能吃的東西後, SY開始嫌棄:「點解樣樣都唔食得㗎?」
我:「之後做分子料理就可以食啦...」煎蛋糯米飯配酥皮紅蘿蔔, SY:「我都唔食蛋」
其實, 今次的蛋黃是芒果份子而成,
蛋白就是乳酪, 紅蘿蔔就是酥皮釀入沙律.
假亦真時真亦假...SY:「個蛋黃真係好似蛋黃呀?」即等同盧覓雪好阮兆祥一樣??
沙律紅蘿蔔應該好好食...不過SY:「我覺得似牛頭包多D」
結果, 因為煎蛋下面的脆脆, 令到SY個人搶住獨霸整碗煎蛋糯米飯.
(你又話唔食蛋?), SY:「芒果加乳酪嚟㗎, 下面D脆脆米係我早餐最鍾意食嗰D囉..朱古力嚟㗎」朱古力怪真易滿足.
日期： 3月19日~4月10日(逢周六、周日及公眾假期)（部份活動於指定日子舉行）
大仁生活facebook
沒有留言:
張貼留言