【開放日派玩具】美荷樓~冰室重開啦! @ 我們的快樂年代

美荷樓的呼吸冰室3月尾結業時, 文青們是否有點鬱鬱寡歡呢?

無有怕...相同位置 差不多的食物, 相若的擺設, 今日易名為「四十一冰室」, 之後大家又可以繼續扮懷舊, 齊齊繼續Hea!!

你如果知道「垃圾蟲」是誰, 你應該...非常年輕吧!! 今次冰室還劃出一個名為 「四十一士多」的回憶角落,   愛話當年的老餅(我)最雀躍啦.

懷舊遊戲有「天下太平」、「東南西北」, 「畫鬼腳」,  難忘玩意又有「黑膠碟」, 「Yes Card」, 「打字機」, 「保暖壺」

其實, 港產經典「 掟唔爛,  踩唔扁, 可以當凳仔坐,  落雨都唔怕入水」的紅A膠品, 會唔會找到齊齊展覽呢??

5個區域, 大玄關位改了草綠色, 有心水清朋友說:「扮以前公屋啦...我細個日對夜對, 一眼就睇得出啦」(係喎...幾似喎)

朋友M知道冰室重開, 問我:「貴咗定平咗先?」, 我答:「差唔多... 不過Menu唔同咗, 又好難比較嘅」

特色炸豆腐漢堡 $88, 我最初幾為麵包皮就是炸豆腐, 原來, 麵包真的就是麵包, 中間的扮豬扒才是豆腐喎.

我跟同行朋友H說:「食齋真係唔啱我, 好唔慣, 食肉獸都係要食肉先滿足到」

西班牙烤焗乳豬 $148, 店員說:「其實豬手好食D」但我麻麻, 幾十年來, 我一望到豬手, 就覺得「太肥膩, 太污糟, 太大隻啦」

還是BB豬合適我多一點, 不過香港仁食乳豬, 還是愛有脆岳岳的皮. 這隻西班牙豬肉質不錯, 又不太鹹, 只是皮還是不能與本土燒味店的燒肉, 乳豬比較.

花生醬焦糖香蕉夾餅 $48, 普通了一點, 但有一段時間沒有再吃花生醬, 將Waffle塗忌廉再吃...OK啦!!

勁似杜如風的H說:「再諗唔到嘢嚟形容啦??」(係囉!! 平淡咗少少, 味道唔差嘅, 可能我一向愛班戟, 唔Like窩夫啫)

焦糖燉蛋 $38/跟餐$28, 可能我太要求高, 永遠一發現CrèmeBrûlée 即時與 Paul Lafayet比較...

肥風H都說:「表面少咗D焦糖啫...」, 或者面層不夠焦, 不夠暖, 比較起內裡的燉蛋 略為甜了一點, 其實作為飯後甜品, 是沒有問題的.

YHA美荷樓青年旅舍, 本周六(21日)及周日(22日)舉行名為「我們的快樂時代」開放日, 「四十一冰室」及「四十一士多」正式開張.

同場更有免費懷舊玩具派發,  導賞團,  穿膠花工作坊, 「印出老香港」, 「70年代潮流教主」selfie快拍（流動攤位）, 旅舍客房參觀, 有時間大大小小一齊玩玩玩啦

41冰室

日期：   5月21至22日（星期六、日）

時間：   上午9時30分至下午5時

地點：   九龍深水埗石硤尾邨41座（港鐵深水埗站B2出口）

大仁生活facebook