【鬼佬都讚】隱世專家工廈教造真‧Bagel @三低三少Cafe

朋友阿倫推介我:「阿仁你真係要去食B.two House嘅Bagel, 堅得!」. 印象中我只在自助餐食過一次Bagel, 「硬掘掘」一點也不好吃喎!

阿倫續說:「正宗Bagel原來好有學問, 我起初都以為只係麵包, 原來係另一樣嘢（俾麥記教壞左😑）」, 我答:「你講到咁吸引, 唔去唔得啦」

走到觀塘工廈, 原來B.Two House由烘焙室變身Cafe只是數個月內的事...

負責人兼導師Allison抱著貓經理說:「我當年因為好鍾意食加拿大一間CheeseCake, 不過每件11蚊加紙, 好貴呀! 於是就自己去學整囉」

5年前Allison索性飛過台灣學烘焙, 之後便由一百呎的烘焙材料店開始做, 再變成賣蛋糕, 教班, 現在更加兼任Cafe, 簡直萬能一樣.

Allison:「我好鍾意食Bagel, 我以前唔係香港, 我可以餐餐早餐都食自己整嘅Bagel, 我鍾意乜都唔落, 淨係搽牛油, 你試下就知Bagel嘅吸引」

眼見剛才外表皺皺的Bagel, 放入焗爐5分鐘, 即時變成脹卜卜, Allison為我塗上牛油, SY咬一口便叫:「好食呀!」

暖笠笠, 外層有點煙韌, 但內裡則軟軟綿綿的口感, 再配上微微的洋蔥Bagel($22), 我:「好開心, 好滿足! 真係同我上次自助餐嘅, 簡直天堂同地獄嘅分別呀!」

每日只造約30個Bagel, Allison:「大約都要花4個鐘頭時間架!! 我推介你...Bagel表面會有一個接邊, 係收邊位, 我最鍾意食, 所以, 我一定會跟足傳統造返出嚟」

黑麥Bagel配煙三文魚($48), 有配料的感覺又截然不同, 感覺豐富得一時分不清Bagel是主角, 還是三文魚是主角.

Allison Style 的Bagel是帶少少濕潤, 煙韌中帶軟綿.

不過卻曾經遭到客人質疑:「佢哋話Bagel應該係硬身, 唔會咁軟, 但因為我鍾意E個口感, 所以, 我堅持, 我建議那位客人可以放4日Bagel就會變硬」

而亦因為Allison的堅持, 有居港的外籍客人為尋求好味道Bagel, 專誠走上來試食, 之後一班客人更直豎母指大讚:「Real Bagel」

黑糖祼麥包 $20 - 原來是Outback五年前的味道, Allison:「你以前無食過咩? 佢哋嗰種回甘味好吸引」

但最近數年, 該店變了造成成份, 變到好甜, Allison:「無晒甘味, 於是我哋不嬲食開嘅人, 就設法自己造返當年嘅味道, 所以, 我就有開班教造E款包」(我無食過, 今日第一日食, 甘甘的麥味, 確實有趣)

走上來嘆Bagel, 你會感受到麵包中有靈魂似的呼喚你:「食我啦! 食我啦!!」, 絶對感受得到Allison對烘焙的誠意.

在這個Hea世代, 能夠食出「心機」, 超難得!!

B.Two House
官塘成業街19-21號成業工業大廈1樓26室
3996 9659


大仁生活facebook