隨著2星期前的「真君誕」結束,
人流更旺的「天后誕」又再接力開始啦! 一連5日, 大家又可以掃街啦!!
原來, 天后誕的攤檔較真君誕還要多,
約有110檔~ 知情人示報料:「年年都係天后誕旺好多, 所以租金都貴過真君誕架」(你唔講真係唔知喎)
一入大門口, 我便被台南府城「片皮鴨」$40
所吸引...我:「E~點解D鴨係切絲嘅?」
負責人:「因為我哋係台南式片皮鴨,
同大陸一片片上唔同呀!」$40有4份, 價錢OK, 如果每份再多D鴨絲會更好)
負責人表示, 包裹的餅皮也是由他們自家搓出來的, 魚子媽:「如果個皮可以細返D就會更好, 因為包得太多層, 有一邊變得太厚」
子子:「點解好似有骨嘅...」我:「唔係骨嚟呀, 係青瓜...」子子真的很搞笑.
今日竟然踫到陳柏宇和朋友賣「色」「色」薯條. 我問:「你哋好鍾意食薯條?」
Jason:「係呀! 我食到喉嚨痛都仲要食...」我:「有邊款味道可以推介我呢?」
Jason介紹了蟹皇味 $30, 並說:「就由我哋嘅晴晴幫你Shake啦....
(吓? 晴晴係男人嚟呀?) ...無錯, 佢仲係單身添」(嘩!暖男賣薯條, 夠煞食呀)
(吓? 晴晴係男人嚟呀?) ...無錯, 佢仲係單身添」(嘩!暖男賣薯條, 夠煞食呀)
蟹皇味有點特別, 略帶甜味, 不過Jason的薯條則帶濕身, 並不是脆岳岳的.
魚子媽答:「自已整就要過水先會脆, 可能佢哋想有特別口感掛, 不過蟹皇味又的碓幾特別」(係囉...甜甜地幾得意)
魚子媽答:「自已整就要過水先會脆, 可能佢哋想有特別口感掛, 不過蟹皇味又的碓幾特別」(係囉...甜甜地幾得意)
之後, 我被四個大字所吸引:「跳舞鮑魚」 $35 , 我:「畀兩隻我試試, 不過, 點解叫跳舞呢?」
店員說:「你睇下先啦...D鮑魚一放上鑊就不停郁...即係代表新鮮囉」
燒了約15鍾, 店員又再離殼再燒約3分鐘, 本來子子對加入蒜蓉的鮑魚不感興趣, 但就不停食...:「好腍呀! 嘩!個殼閃令令我都好想食呀」
魚子媽:「殼唔食得架...佢哋D鮑魚加咗蒜蓉又真係好香, 講真, 咁新鮮一睇就知好」沒有錯...這檔鮑魚真的很香, 很入味!
當我在場內不停尋找之際, 又給我發現新東西:「拖羅多士」$30/2件....我問店員:「咁係米好似西多咁, 塞D拖羅入去??」
負責人:「唔駛塞, 雖然D多士好細塊, 之後, 我哋舖滿拖羅, 再塗上沙律醬, 最後就用火槍微微燒一燒呀...」
一碟2件的價錢, 算合理...魚子媽:「OK嘅」, 我:「係囉...元氣D香蔥吞拿魚都要$12蚊啦, 不過我無估到佢個多士真係同壽司差唔多囉」
吃飽飽便真買一些飲品, 我們忽然在戲棚旁邊, 見到鍾舒漫在推銷自家製健康特飲...
Sherman:「其實, 今日我哋只係賣兩種飲品, 我哋唔用色素, 糖漿都係我哋自家製呀....全部天然嘅, 因為我希望大都健康地呀!」
Sherman:「其實, 今日我哋只係賣兩種飲品, 我哋唔用色素, 糖漿都係我哋自家製呀....全部天然嘅, 因為我希望大都健康地呀!」
黑枸杞梳打 $35, Sherman:「佢嘅抗氧化工能足足係藍苺嘅10倍」
Sherman一邊在幫我炮製特飲, 一邊說:「我自己都日日飲架, 女仔貪靚麻, 飲咗個人都真係健康D」
本來我們的特飲還有棉花糖, 但Sherman說:「唔好意思, 部機壞咗...」
子子:「E杯沙冰仲好飲過頭先杯菊花茶...」, 魚子媽:「真係好飲, 而且對我D低頭族都好有幫助」
子子:「黑色粒粒好硬喎...」Sherman說:「黑枸杞一定要飲呀! 係精華你呀」
今次「天后誕」的檔位與上次「真君誕」比較, 重複的不少, 但新加入的亦有不少.
正正我也不知甚麼原因, 今次特別多攤檔賣Shake Shake 薯條, 魚子媽說:「易整囉咁簡單」(又係喎)
鳴謝: 魚子醬鐵人家族
正正我也不知甚麼原因, 今次特別多攤檔賣Shake Shake 薯條, 魚子媽說:「易整囉咁簡單」(又係喎)
鳴謝: 魚子醬鐵人家族
相關網誌: 【青衣戲棚必食】日頭去少D人 @ 流水麵都有得玩
沒有留言:
張貼留言