朋友S問我:「今日放假, 夜晚你哋一家又去邊度食好嘢呀?」, 我:「自己DIY章魚小丸子」, S答:「吓? 開咗2年架喎....你仲去?」
話說灣仔的一間已經開業2年, 但今次的是尖沙咀又一新店, 近近地就去玩一玩, 因為還可以自己燒大阪燒呀!
我最初也以為是灣仔分店, 但店員說:「唔係呀! 我哋新開嘅」, 阿太:「E個爐咪係豬仔媽屋企嗢嗰個囉....」
可能是面積問題, 這裡的6人枱雙爐設計, 變相2, 3個朋友便一定要搭枱了. 我們點了明石燒 (涮涮鍋風小丸燒 $58)
阿太: 「我上次係大阪食過, 一食難忘呀!」其實, 明石燒跟普通八爪魚丸一樣, 只是多了一碗湯.
原來, 製作章魚小丸子也不困難, 燒熱鐵盤、下油、放餡便可, 真的連SY也可以DIY.
章魚丸有八爪魚粒, 紅薑, 脆麵粒粒...SY偷食了2粒說:「我以為係早餐牛奶脆脆, 但係鹹鹹地嘅」
SY:「多咗咁多醬點算?」, 我:「說明書寫, 小丸子熟咗就要反轉90度, 之後再加多咗嘅粉醬, 所以無嘥架」
每次可做出8粒章魚小丸子, 但中途加入粉醬就有少少「論盡」, 我:「不如你倒粉醬, 我就將本來嗰半個小丸子結合入去囉」
阿太:「吓? 得唔得架? 」, 我:「信我啦...你睇, 真係結合到啦, 幾靚!! 我哋加小丸子醬, 蛋黃醬, 紫菜粉啦...
登登登凳!! 大功告成...SY:「自己燒真係好」, 我:「係囉! 幾好玩...不過, 媽媽你咁多醬料放湯咪好奇怪囉?」
阿太:「其實, 應該頭先唔到落醬, 因為我哋放湯食呀!」, SY:「我鍾意多D沙律醬喎」
之後, 我們又點了豬肉御好燒 $78, 因為半年前, 我們和悅悅一家也玩過DIY大阪燒, 所以, 今日完全沒有難度.
我:「不過, 上次好似多D料咁, 今次有D簡單」, SY:「係喎, 上次好似要哥哥(店員)幫手添」
可能今次只有豬肉片, 又或者材料一早己經放入了粉醬而我也不知道, 但感覺沒有上次的好食.
SY:「今次仲好似好快就做到出嚟....」, 我:「係囉, 上次又要5分鐘, 5分鐘, 5分鐘, 今次6分鐘就食得.」
店內座位不多, 只有約25-30個, 而店員數目就更加少, 我見一男一女店員忙過不停...太辛苦, 如果, 有食客不懂燒, 可能救助無援.
大阪燒感覺有點單調, 我:「好似只係食蛋+菜+粉...無乜料咁嘅, 而且係咪我燒得太乾呢?」
阿太:「OK喎, 你落多D醬啦, 咁咪無咁乾...一係你買返個爐返屋企練習吓囉」
我:「你都話豬仔媽有, 問佢借咪得囉, 我估佢都唔係成日用架啦!!」
【齊齊整餅】「御好燒」「班戟」「兒童餐」全部自己燒 @ Okonomiyaki
花丸
地點: 尖沙咀寶勒巷10號8樓
時間: 12:00-23:00
電話: 2802-3238
大仁生活facebook
沒有留言:
張貼留言