【原子彈特飲】家庭小店~嘆肥美泰芒+熱狗

昨日, 經過屋企附近一間新開小店, 即時就被兩杯巨型的「超大杯芒果汁」所吸引, 忍不住要買來試一試.

「泰芒了」是家庭式經營, 負責人許小姐:「希望自己攪生意, 機會可以比打工好D啦」

特飲整杯幾乎是鮮製芒果汁, 之後來一層忌廉, 上面有大量細細粒的芒果肉, 中央就堆一個沙冰小山丘, 最後就舖上4大片, 又肥又厚的泰芒肉, 「原子彈芒果特飲」($35)便大功告成!

泰國芒果的肥美程度有如四塊午餐肉, 超鮮, 又清, 甜度就屬健康的輕甜, 許小姐:「一隻芒果就做一杯架, 所以有好多芒果肉嘅」, 嗜甜的SY:「忌廉最好食, 夠晒甜!」

我反而覺得超巨型芒果汁, 如果太甜, 會飲得更辛苦, 現在的甜度剛剛好. 而且一邊飲, 途人不停議論紛紛:「嘩!咁大杯芒果汁喎」, 「兩個人飲就差唔多」, 「嘩!D芒果都夠晒大隻啦」

除了芒果汁, 小店還有兩款即叫即製小食, 二款熱狗（各$32）和薯角（$18）. 我:「點解無端端有三樣小店賣嘅?」

許小姐:「可能有D人想食下嘢嚟送芒果汁, 所以我就諗到做三樣小食囉」

即製的熱狗, 洋蔥芥末醬混得很好味, 熱辣辣的香腸及麵包, 唯獨如果烤過的麵包, 再塗上我最愛的牛油, 應該會更不錯.

薯角可以炸得不油, 又帶芝士味, 一口芒果汁, 咬一口薯角...SY:「好熱, 好熱, 好熱...」(咁先夠好味囉)

開業只有一個星期, 許小姐:「遲D我哋會出套餐, 不過未有咁快, 因為啱啱開, 未係咁熱手, 成日驚D客會等得太耐, 唔好意思」

無添加, 又足料, $35足夠兩人飲過夠, 有街坊更Encore來買原個芒果走, 我:「乜可以原隻芒果買走咩?」

許小姐:「梗係得啦, 你都買番個返屋企食吖」, 所以, 昨日一連兩戰泰芒, 正到痺!

泰芒了
地址: 太子大南街4號
開放時間 11am-11pm


大仁生活facebook